Вака сеа, ова горе што го гледата е бодовна листа каква што ќе си добие секој од судиите за пополнување на натпреварот. Кога сме кај судиите официјално потврдија дека на овој натпревар тоа ќе бидат Филип Матевски, Андреј Трајковски и Микаел Дуганов - сите тројца скејтери со тапија кои одлично знаат како да го оценат секој трик. Како што може да видите од листата, по барање на скејтерите направивме мали измени во бројот на обиди по рунда па така сега во втората рунда имаме 5 обиди а во третата 7, што е и логично пошто како што се ближи крајот учесниците пробуваат се потешки трикови па добро би им дошле и повеќе обиди. Се бодува со бодови од 1 до 10. Вкупните бодови на секој натпреварувач идат во Официјалната XMKD Бодовна Листа во која кумулативно се собираат бодови од сите натпревари (што ќе ги организираме во иднина) и се прави ранглиста која ќе биде постојано достапна онлајн и според неа во иднина учесниците ќе добиваат разни поволности и подршка за учество на натпревари во странство и слично.

Сеа за наградите:
Генерален спонзор на натпреварот е UNITY Скејтшоп кој доделува еден комплет скејтборд за прво место и две маички за второ и за трето место, втор спонзор е ACID WEAR кој доделува еден пар панталони за второ место, трет спозор е КАНДИТ кој доделува по една чоколада Тути Фрути од 500гр. за прво, второ и трето место, како и Канди Екстра 30гр. чоколатца на учесниците и публиката, и последен но не и најнезначаен eXtreme Sports клубот од Скопје заедно со XMKD.com, кои се појавуваат и како организатори на натпреварот, доделуваат маички за прво, второ и трето место како и налепници разбира се!

Да сумираме:
1. Прво место зима - комплет скејтборд од Unity, две маички и Кандит чоколадо Тути Фрути 500гр.
2. Второ место зима - панталони од Acid Wear, две маички и Кандит чоколадо Тути Фрути 500гр.
3. Трето место зима - две маички и Кандит чоколадо Тути Фрути 500гр.

Ако во случај на виша сила (читај дожд и слично) натпреварот биде откажан или прекинат, истиот ќе продолжи наредната недела.

12:30 - Недела - скалите на пошта (позади накај Вардар што гледаат)