Сали е местенце со околу 500 жители кое се наоѓа на островот Дуги Оток во Хрватска. За да се стигне до тамо потребно е да се фати траект во Задар. По еден саат и дваесет минути возење со траектот се стигнува на Дуги Оток, ама не во Сали туку во Брбињ. До Сали има уште 30тина километри возење со кола. Или да поедноставиме.. Хрватите би рекле дека Сали е една обична вукојебина.

Е сега.. во таа вукојебина секоја година традиционално се одржува фештата која е наречена Саљске Ужанце. Оваа година со свој настап во склоп на централната вечер, манифестацијата ја збогатија сплитските рапери The Beat Fleet и загрепските панкери Hladno Pivo.

Фактот што во иста вечер на истата бина настапуваа двата моментално најпопуларни хрватски бендови привлече повеќе од 4000 вљубеници на добриот звук првенствено од Задар, но и од другите места во околината. Затоа воопшто не треба да не зачуди податокот што сите траекти што во текот на целиот ден пловеа кон Дуги Оток беа преполни.