Предвесниците на популарните JACKASS, контроверзните, експлицитните, налудничави Bloodhound Gang доаѓаат во Скопје. Спремете се, на 21 Јуни на Скопското Лизгалиште во склоп на нивната светска турнеја по повод промоција на новиот албум “Hefty Fine“, а само неколку дена после настапите на фестивалите Рок ам Ринг и Рок им Парк да присуствувате на концерт каков не сте ни замислувале дека ќе гледате. Настап полн со шокови, изненадувања, лудории, инзворедна музика... Башка влезница само 300 денари бидејќи Литиум слави 10 годишница со вас!
Прогнозерите најавуваат убаво време, Ние гарантираме забава до бесвест (Нови дечки)!!!
До тогаш, повторете ги добро познатите рефрени:
You and me baby ain’t nothing but mammals, so let’s do it like they do on the Discovery Channel…

Апостолките во раце се глеаме на Скопско лизгалиште.

   Ова е животното мото на Bloodhound Gang кое можете да го прочитате на сите нивни албуми. Тие се непристојни, лоши и изопачени. Со своите текстови навредуваат секого, културолошки се несензибилни, тотално политички некоректни, антисоцијални, безобразни, расипани и валкани. Тие дури ги напаѓаат и оние од нивниот вид. Bloodhound Gang немаат големи амбиции и немаат желба да станат подобар бенд. Ги мразат своите фанови и воопшто не им е јасно зошто тие ја слушаат нивната музика, а за воља на вистината и нивните фанови ги мразат нив. Дури и официјалниот веб сајт (www.bloodhoundgang.com) кој има функција на фан клуб, е наречен - Bloodhound Gang Cyber Hate Club.

    Креативни генијалци кои можеби се емоционално изгубени и претпочитаат да живеат на мрачната страна од човештвото или пак социјални случаи на кои им е непријатно од нивниот добар boy band изглед, или пак се работи за рехабилитирани сексуално девијантни перверти кои неодамна се преобразиле во фамилијарни луѓе... можеби од се по малку.
Токму со оваква предлошка, Jimmy Pop – фронтменот на Bloodhound Gang ги опишува членовите на бендот: басистот Evil Jared Hasselhoff, гитаристот Lupus Thunder, тапанарот Willie The New Guy и човекот позади грамофоните DJ.Q-Ball.

   Сигурно многумина од вас се сеќаваат на песната со ужасно смешен текст The Bad Touch, која беше вистински хит во 1999 година.
“…You and me baby ain’t nothing but mammals, so let’s do it like they do on the Discovery Channel…”.
Jimmy Pop ја напишал oваа песна една досадна вечер испитувајќи што се може да најде на својата кабловска телевизија. The Bad Touch многу бргу стана вистински хит и го фрли бендот во врвот на светската музичка сцена. Песната им овозможи да гостуваат на најгледаните национални програми, како на The Tonight Show. Им овозможи да си купат и куќи, им овозможи жестоки сексуални средби со девојки, на кои не би можеле ниту да им достават пица додека биле во средно школо, славата пристигна!!!

   Бендот се формира во далечната 1992 година, но дури во Ноември 1994 го издаваат своето прво деби Dinglberry Haze кое е продадено во “преку“ 100 примероци. Во Март 1995 потпишуваат за Columbia Records и го издаваат својот прв албум Use Your Fingers. Албумот не е многу успешен, па некои членови дури и си заминуваат.
    Потоа следува неколку месечно затворање во сопствениот креативен неред и по многу испушени цигари, флаши испиени алкохол и менување девојки, на почетокот на 1998 година го издаваат фамозниот, One Fierce Beer Coaster за Cheese Factory Records.
Овој албум постигнува импресивен успех и го носи бендот на првата вистинска американска турнеја и им ги овозможува првите концерти во Европа.
Публиката во Европа едноставно ги обожава.
Веќе во 2000 година, Bloodhound Gang го издаваат Hooray for Boobies, албум на кој се наоѓа и хитовската The Bad Touch.
По мала пауза, која ја користат на веќе познат начин, со сите можни пороци, на сцената се појавуваат со песната Fire Water Burn која се наоѓа и на саундтракот на култниот документарец на Michael Moore - Fahrenheit 9/11.
Во Септември 2005-та го издаваат последниот студиски албум Hefty Fine поради кој и се упатуваат на голема светска турнеја која го опфаќа и Скопје.

Следуваат турнеи кои никого не оставаат рамнодушен, без оглед на тоа дали се работи за одушевување или грозење. Публиката е освоена со електричната музика и ексцентричните перформанси. Се плетат еден куп урбани легенди поврзани со нивните настапи од кои некои не се вистинити, а некои се дури и неверојатно вистинити.
Една од нив вели: ...кога на еден свој настап Jimmy Pop и Evil Jared си повраќале еден на друг во уста, новинарите го прашале Jimmy дали тоа и го голтнал, а тој “со згрозување“одговорил: “Тоа ќе беше одвратно”.
И што понатаму?

Дојдете на Скопско Лизгалиште, 21 Јуни 2006-та година, а потоа зборувајте и озборувајте. Bloodhound Gang и понатаму се истите како што и погоре ви ги опишав. Можеби за нијанса и поекцентрични.

Сите оние што поради било каква причина не успеаа да ги погледнат веселите La Plebe во Тетово, Штип или на Biker Fest имаат шанса за поправен!!!
Поради фантастичниот прием од публиката, одличната атмосфера на нивните претходни концерти и прекрасното ни пиво (кое го пијат во огромни количини), откачените Мексиканци се решија да ја почастат Македонија со уште една луда (и незаборавна) панк забава. Бонус концертот на бендот чиј последен албум го продуцираше и миксаше легендарниот Bill Gould (поранешниот басист на Faith No More) ќе се случи на 14.06. (среда) во The Club (Буњаковец, доле.. нели). Почетокот е најавен за 21 часот, а влезницата ќе чини 150 денари.
Ќе има и подршка од некој од локалните бендови, но сеуште не е одредено кој.
И за крај ќе ги цитираме стиховите од песната Drink со кои уште еднаш ќе ве поканиме на одлична журка, многу пиво и мексикански hot chilli панк.

Со активноста на музички план Osijek станува еден од центрите на балканската сцена. Во минатите неколку години Osijek исфрли неколку навистина добри бендови. Од нив би ги издвоил Debeli Precjednik, Guzva u 16-ercu и секако Grupa Tvog Zivota. Затоа, плагиј.ат за свој соговорник го има бубњарот на Grupa Tvog Zivota, Hadz. Уживајте! Повеќе...

3ти јуни, плоштад (градски се разбира, кој друг) , свирка, ск8 и инлајн контест, сонце, сокче, луѓе што поише може да се посака?! Малце не беше усогласен терминот на свирката и контестот,значи, контестот почна покасно, односно свирката подрани, али у главном се беше ок.
Беа најавени Новиот Почеток, Ска-Франциско, и најмладите Фан Хаус и Borgoth. Повеќе...

Почитувани пријатели на добриот...независен македонски звук....,

Задоволство ни е да ве известиме дека...конечно....ТУРНЕЈА ПО ДЕЦЕНТРАЛИЗИРАНА МАКЕДОНИЈА или т.н.р ДРУМ фестивал или пак ТОТАЛНА REXONAтизација (во зависност кој под кое име не познава), започнува во Сабота, на денот на почетокот на светското првенство во фудбал, 09.06.2006, во клубот Rock Caffe во ТЕТОВО. Причините за ова четиридневно поместување на веќе најавениот почеток на турнејата се повеќе од прозаични и не го заслужуваат вашето внимание во никој случај.
Еден ваков проект е најважно да почне и вакви мали поместувања не би требало да не дефокусираат од главната цел, нели? Впрочем, еден дополнителен датум плус е нешто што може сите да не радува. А во случајот станува збор за влегувањето ин а НЕГОТИНО во целата турнеја. Значи, 11 града се веќе дел од мрежата.
Во продолжение ви ги преставуваме и останатите, потврдени, датуми за турнејата на PMG COLLECTIVE.

ЈУНИ 2006: PMG Collective
Петок 09.06 - Тетово (Rok Cafe)
Недела 11.06 - Прилеп (Апореа)
Вторник 13.06. - Струга (Оаза)
Среда 14.06 - Радовиш (Rock City)
Четврток 15.06 - Кочани (Манаус) Skate Contest
Петок 16.06 - Штип (Дом на Млади)
Сабота17.06 - Велес (Ноктурно)
Недела 18.06. - Охрид (Ballance)
Вторник 20.06 - Неготино (Dallas)
Среда 21.06 -  Битола (Интермецо)
Четврток 22.06. - Гевгелија (Blue Star)

Благодарност до сите Вас за трпението што го покажувате и...повелете на некој од концертите во вашиот град...или пак оној блиску до него. Или пак, доколку сте доволно иницијативни, поканете не да го посетиме и вашиот град !!!!

Време е за Истина, Време е за Правда !!! Време е за ТУРНЕЈА ПО ДЕЦЕНТРАЛИЗИРАНА МАКЕДОНИЈА !!!!

СУПЕРХИКС Live in Skopje во продажба со Теа Модерна, Тин Шема и Крстозбор.

Дата: 24 мај
Продажни места: колпортери, трафики, шопови, драгстори, дилери низ цела Македонија.
Тираж: 30 000 комада.
Времетраење: 65 минути
Име на Албумот: Саботна Фиеста, Неделна сиеста.
Цена: 30 денари (малку помалку од едно евро)
Промоција?
Е сега вака:
Lithium Records поднесе официјално барање до Министерството за правдаи г-ѓа Мери Младеновска да одобри официјална промоција на албумот во Казнено поправниот до „Идризово“ (кликните да го видите). Доколку добијат позитивен одговор, ние (групата Суперхикс) ќе одржиме бесплатен концерт за сите воспитаници во домот, со цел:

1. воведување на културни активности или процес на така наречена ресоцијализација на затворениците
2. подобрување на условите во кои моментално престојуваат затворениците и применување на ЕУ стандардите
3. акција „со култура против насилството“

Доколку ова не успееме да го реализираме, вие планирајте да си купите цеде.
Ако успееме да ја оддржиме промоцијата во КПД „Идризово“ ќе можете да го следите благодарение на договорениот директен пренос на Спорт 4 Телевизија (од неодамна ја има на сателит).

p.s Ако некој има добри врски во министерсто за правда ве молиме пишете на [email protected]

Hey mommy, I don't want to eat salami anymore! Еве ги пак кај нас на гости.. ван енд онли.. Паркети фром Битола!!!
Поголема најава за нив и не е потребна.
Нашите мили и драги пријатели веќе го спремаат материјалот кој би требало да се појави на новиот албум.. Снимени се неколку песни. Од тоа дел се на англиски, а дел од нив на македонски. Очигледно Паркети имаат план да тргнат и во освојување на странскиот пазар.
Да се надеваме дека што поскоро ќе можеме да го преслушаме целиот албум, а до тогаш ЕКСКЛУЗИВНО на плагиј.ат, Паркети не частат со две песни што ќе се најдат на него.
Download, звучките до даска и уживање!!

She's a sweet vegetarian
Сакам да те галам

Вечерва, 06.05.2006, во клубот Лудница, со почеток околу 22:00 часот, КЛО ќе настапат за прв пат пред поширока публика.
Досега КЛО имаат настапено во живо кај Ѓорги Јаневски во „Тажен и Прекрасен Свет“, емисија на радиобрановите на Канал 103. Се работи за еден пријатен, меланхоличен и релаксиран настап, вклучува две гитари (Дејан Змејкоски и Александар Ников) и прекрасниот ангелски вокал на Соња Димитриоска, на моменти плус флејта. Она што остава навистина силен впечаток се токму вокалите на Соња, која потсетува дури и на Hope Sandoval (Mazzy Star) и дава посебна димензија на нивната жива изведба. Освен Mazzy Star, бендот црпи влијание од My bloody valentine, Cocteau Twins, Cranes и сл. Од нивните песни, Starlight се најде на компилацијата Зависна Листа.мк-Нов Бран, додека нивниот демо албум можеше да се чуе само на Канал 103, циркулирајќи низ потесен круг обожаватели.
Доколку се погоди времето, ќе има отварање на „Летната Бавча“, кадешто концертот ќе се одржи во нов soundsystem.

Скопје почнува да наликува на нормален европски град, во поглед на музичкиот код кој се негува и конзумира во секојдневието како главен оброк во скоро сите понормални општества. Годинава на наше општо задоволство може да се избројат многу интересни и квалитетни концерти, свирки, журки, кои се случија кај нас во изненадувачки краток период. За восхит се и најавените претстојни концерти кои ги очекуваат луѓето од Скопје и Македонија. Како дел од интересните претстојни концерти кои ќе се случуваат во наредниов период во Скопје, ви ги претставувам белградските регерокери и хипхопери, обединети под името “Straight Jackin”, кои ќе одржат целовечерен концерт во МКЦ на 13ти Мај. Појќе мор!

На 5 мај во клубот Escape, Mooger Fooger ќе го промовираат нивниот нов албум. На промоцијата ќе свири и кумановскиот бенд White Noise in a White Room. Првиот албум на Mooger Fooger-"Mooger Fooger" го освои првото место за најдобри македонски албуми во 2005та според Радио Канал 103. Додека хитот Oki Trаsh се најде меѓу првите 20 на Крос Радио листата на најдобри синглови за 2005 на ниво на Балканот. Зад овој бенд стојат Сецко (Last Expedition), Дојчин, Огнен-Оки, Виктор (The Daltons) и Мио (Borgoth). Слично како и на претходниот, така и на овој албум на различни песни има различни гости кои го збогатуваат дополнително звукот на бендот. Живите настапи на Mooger Fooger се препознатливи по нивната бучност и дисторзираност. За овој настап се подготвени пар вокални изненадувања.

Поради големиот интерес на македонската јавност за настапот на групата МАСИВ АТАК на 11 јуни во Скопје, во рамките на годинешното 5-то издание на Оф-фест, ве информираме за следното: Македонија, на инсистирање на групата, е избрана како една од точките што ја сочинуваат светската турнеја со која британските легенди ќе го промовираат своето најново издание, компилацијата на хитови Collected. За оваа “бест-оф” прилика, МАСИВ АТАК патуваат со огромна техничка поддршка и бројна придружба, како и со 11-члена екипа на музичари, меѓу кои најпознати се Елизабет Фрејзер - пејачката на култните инди-поп херои Кокто Твинс, како и нивниот верен соработник, реге-легендата Хорас Енди. И она што најмногу ги интересира љубителите на бристолската група: влезниците за скопскиот концерт на МАСИВ АТАК - за чие следење пројави интерес и музичката телевизија МТВ - ќе бидат пуштени во продажба на 11-ти мај, а нивната цена ќе биде објавена деновиве.

Сакаме да ве известиме дека во сабота, на 6 мај, групата 7me7 од Косово ке одржат концерт во Скопје, во Life-Radio, или поточно на улица Анкарска број 23, во населбата Тафталиџе, позади Млечен Ресторан. Групата доаѓа од Урошевац, и е во косовски рамки една од најпознатите групи. За повеќе информации погледнете ја нивната интернет страница, кадешто истотака можете да погледнете и видео-клип од нивниот хит ''Човекот со чадор''.

Концертот почнува во 21:00 часот и влезницата чини (само) 100 денари.

Одамна чекав да се случи вакво нешто во Скопје... Конечно и ние да можеме да се пофалиме со квалитетни свирки и вистински големи бендови од светски размер. Немаше потреба од големо рекламирање бидејќи уште со пуштање на првите шупкања, и излегувањето на првите плакати кои беа само со датум, веќе сите знаеа за гигот, и сите беа спремни да платат колку и ќе се побара само за да ги видат во живо. Како времето се ближеше така деновите се одбројуваа, се преслушуваа старите ЦДиња, се гледаа спотовите, и се коментираше за бендот. Конечно дојде и денот и се упативме сите кон МКЦ. Повеќе...

Ве покануваме на самостојна изложба на Татјана Јашмаковска на 27.04.2006 година во 20:00 часот во галеријата на МКЦ. Повеќе...

Минатиот петок се собравме на повесела музика, ска/панк составот од Флорида Less Than Jake по којзнае кој пат се вратија во Melkweg. Бендот пред нив, Jeremy's беше уште еден панк рок бенд со женски вокал кон ненормално потсекаше на Gwen Stefany, но со суканици. Прв впечаток, ништо посебно, но песната "I Want A Girl" дефинитивно влече внимание. Навистина интересно звучи текстот "I want a girl that wants me more than anything" кога го пее женско. Повеќе...

Помалку или повеќе дури и летото фати, а тоа е време да се излезе надвор и да се прошета во паркот. И таму слушаш добра музика, гледаш многу луѓе.... Значи повторно како и последниве 2 години во грацкиот ни парк ќе има реге журка.
Повеќе...

Легендарната британска атракција Massive Attack ќе биде главна ѕвезда на годинешното 5то издание на фестивалот Off Fest што во организација на Скопскиот џез фестивал ќе се одржи од 7 до 11 јуни. Групата ќе настапи на 11ти јуни на Скопското лизгалиште, во рамките на големата европска промотивна турнеја на своето ново CD - Collected. На тој начин, конечно, по многу неуспешни обиди, нашиот главен град ќе биде домаќин на групата која што е толку посакувана кај нашата публика.
Повеќе...

Stig'o cumur!!!
Ете го и третиот, долго најавуван и уште подолго очекуван албум на Edo Maajka.
И вредеше ли целото ова чекање?
Секако. Edo повторно е во елемент. Уште еднаш растура и им ебе матер на сите без пардон. Stig'o cumur е далеку пожесток од своите претходници. Edo е едноставен и директен. Освен To mora da je ljubav, на овој албум нема да да најдете хитоидни песнички како што беа Prikaze и No Sikiriki на првите два.. Песни кои како да беа правени за радијските топ листи и кои беа хит кај најразлични генерации луѓе, од 7 до 77 години.
Повеќе...