Во среда, 24 мај, ќе бидат пуштени во продажба влезниците за првата и втората вечер на годинешното 5-то издание на OFF-Fest, во организација на Скопскиот џез фестивал. Цената на влезниците за концертите на Африканските ѕвезди Афел Бокум, Тартит и Хабиб Коите кои настапуваат под заедничко име “Дезерт  блуз”, на 7. јуни во Универзалната сала, е 500 денари - во претпродажба, а 700 денари - на денот на концертот. Влезницата за концертите на Сибел (Бразил), Лос Де Абахо (Мексико) и Ли 'Скреч' Пери (Јамајка), што ќе се одржат на 9. јуни во Универзалната сала, е со истата цена: 500 денари - во претпродажба и 700 денари - на денот на концертот. Продажбата на билетите, пак, за концертот на Масив Атак (11. јуни, Скопски саем - хала 1), која стартуваше на 11 мај, со рекордна бројка на продадени 1280 влезници само во првиот ден, се одвива со несмалено темпо - веќе се продадени повеќе од половината од предвидените 4000 влезници за овој настан. Нивната цена е 1000 денари што ќе важи до 8 јуни, а последните три дена (9, 10 и 11 јуни) билетите ќе чинат 1200 денари.

Како што вика Joe Carlino не е се во огромните 1080-ски и крејзи мадафака гапови. Пред вас е една од најзабавните работи кои може да се праат на сноуборд. Флет олија преку ограда. Гледајте, уживајте, пробајте...

СУПЕРХИКС Live in Skopje во продажба со Теа Модерна, Тин Шема и Крстозбор.

Дата: 24 мај
Продажни места: колпортери, трафики, шопови, драгстори, дилери низ цела Македонија.
Тираж: 30 000 комада.
Времетраење: 65 минути
Име на Албумот: Саботна Фиеста, Неделна сиеста.
Цена: 30 денари (малку помалку од едно евро)
Промоција?
Е сега вака:
Lithium Records поднесе официјално барање до Министерството за правдаи г-ѓа Мери Младеновска да одобри официјална промоција на албумот во Казнено поправниот до „Идризово“ (кликните да го видите). Доколку добијат позитивен одговор, ние (групата Суперхикс) ќе одржиме бесплатен концерт за сите воспитаници во домот, со цел:

1. воведување на културни активности или процес на така наречена ресоцијализација на затворениците
2. подобрување на условите во кои моментално престојуваат затворениците и применување на ЕУ стандардите
3. акција „со култура против насилството“

Доколку ова не успееме да го реализираме, вие планирајте да си купите цеде.
Ако успееме да ја оддржиме промоцијата во КПД „Идризово“ ќе можете да го следите благодарение на договорениот директен пренос на Спорт 4 Телевизија (од неодамна ја има на сателит).

p.s Ако некој има добри врски во министерсто за правда ве молиме пишете на [email protected]

Хералд Бергер и Алберт Лајтфрид заедно со фотографот Херман Ербер (сите тројца од Австрија) искачија нова огромна насока на превисен мраз на височина од преку 4500мнв во Чиле. Тие ја откриле оваа насока на јужната страна на Черо Мармолехо (6100мнв). На истата планина во 2002 година Канаѓаните Бен Фирт и Емон Волш искачија насока од пет должини ( The Nook – WI6+), но на јужно-западната страна.

Hey mommy, I don't want to eat salami anymore! Еве ги пак кај нас на гости.. ван енд онли.. Паркети фром Битола!!!
Поголема најава за нив и не е потребна.
Нашите мили и драги пријатели веќе го спремаат материјалот кој би требало да се појави на новиот албум.. Снимени се неколку песни. Од тоа дел се на англиски, а дел од нив на македонски. Очигледно Паркети имаат план да тргнат и во освојување на странскиот пазар.
Да се надеваме дека што поскоро ќе можеме да го преслушаме целиот албум, а до тогаш ЕКСКЛУЗИВНО на плагиј.ат, Паркети не частат со две песни што ќе се најдат на него.
Download, звучките до даска и уживање!!

She's a sweet vegetarian
Сакам да те галам

Вечерва, 06.05.2006, во клубот Лудница, со почеток околу 22:00 часот, КЛО ќе настапат за прв пат пред поширока публика.
Досега КЛО имаат настапено во живо кај Ѓорги Јаневски во „Тажен и Прекрасен Свет“, емисија на радиобрановите на Канал 103. Се работи за еден пријатен, меланхоличен и релаксиран настап, вклучува две гитари (Дејан Змејкоски и Александар Ников) и прекрасниот ангелски вокал на Соња Димитриоска, на моменти плус флејта. Она што остава навистина силен впечаток се токму вокалите на Соња, која потсетува дури и на Hope Sandoval (Mazzy Star) и дава посебна димензија на нивната жива изведба. Освен Mazzy Star, бендот црпи влијание од My bloody valentine, Cocteau Twins, Cranes и сл. Од нивните песни, Starlight се најде на компилацијата Зависна Листа.мк-Нов Бран, додека нивниот демо албум можеше да се чуе само на Канал 103, циркулирајќи низ потесен круг обожаватели.
Доколку се погоди времето, ќе има отварање на „Летната Бавча“, кадешто концертот ќе се одржи во нов soundsystem.

Скопје почнува да наликува на нормален европски град, во поглед на музичкиот код кој се негува и конзумира во секојдневието како главен оброк во скоро сите понормални општества. Годинава на наше општо задоволство може да се избројат многу интересни и квалитетни концерти, свирки, журки, кои се случија кај нас во изненадувачки краток период. За восхит се и најавените претстојни концерти кои ги очекуваат луѓето од Скопје и Македонија. Како дел од интересните претстојни концерти кои ќе се случуваат во наредниов период во Скопје, ви ги претставувам белградските регерокери и хипхопери, обединети под името “Straight Jackin”, кои ќе одржат целовечерен концерт во МКЦ на 13ти Мај. Појќе мор!

Одамна чекав да се случи вакво нешто во Скопје... Конечно и ние да можеме да се пофалиме со квалитетни свирки и вистински големи бендови од светски размер. Немаше потреба од големо рекламирање бидејќи уште со пуштање на првите шупкања, и излегувањето на првите плакати кои беа само со датум, веќе сите знаеа за гигот, и сите беа спремни да платат колку и ќе се побара само за да ги видат во живо. Како времето се ближеше така деновите се одбројуваа, се преслушуваа старите ЦДиња, се гледаа спотовите, и се коментираше за бендот. Конечно дојде и денот и се упативме сите кон МКЦ. Повеќе...