Во овој месец се случија многу добри свирки, а тие збиднувања ги продолжи и токму овој настан кој ви беше добро познат на сите. Ден петок 27.01.2006, ден пред викенд кога се сите слободни... утредента немаат обврски, па може да се заглават било каде, а плус и влез гага... па таа понуда едноставно неможе да се одбие. 20:00 пред сала градски парк... по нешто за загревање пред свирка... и внатре сме. Полу полна сала, која не престануваше да се полни. Како и по обичај, македонска работа, свирката доцнеше цел саат, па така имаше доста време да се рашеташ, напраиш муабет со другарите, па и да пивнеш нешто ако ти се пие. Дојде 21:00 и на сцена се качија локалните “херои” Borgoth. Специфичен стил на метал, со сајзери со чуда кој ја разбудија подзаспаната публика. Бендот си имаше дел своја публика напред, па тка мрдаа само тие напред, а другите продолжија да легачат позади и на трибините.

Брзо завршија, 3-4 песнички и на сцена следеа, момците од PMG.