Во последните три дена од годината
што изминува, скопјани ќе имаат можност
да ја почувствуваат новогодишната
магија на златно-сината улица „Македонија”.
На 29, 30 и 31 декември Cosmofon
подготви новогодишна програма на
улица „Македонија” каде што сите
минувачи ќе ги забавуваат професионални
музичари и акробати, приредувајќи
претстави и забава за сите генерации.
Една од главните ѕвезди кои ќе не
забавуваат на улицата во текот на
овие три дена се EquipoiZe
Creations, група од Грција која
професионално се занимава со виртуелни
театарски композиции. Нивната уметност
и перформанс се совршена комбинација
од жонглирање, музика, танц, уличен
театар, акробации, анимации и циркуски
вештини. Грчките медиуми ги опишаа
како “авантура со циркуска уметност
која раѓа возбуда”, кога настапија
на Олимпијадата во Атина минатата
година. Групата е составена од 6
професионални забавувачи (Xristos,
Marion, Alexandros, Gianna, Stella
и Axileas), кои изведуваат соло точки,
дуети и групни жонглирања, пантомима,
театарски перформанси и акробации.
Покрај EqipoiZe Creations, скопјани
на новогодишната улица ќе се забавуваат
и со: детскиот хор “Изворче” при
хорското студио Рустико, Тони Китановски
и Черкези оркестар, String Quartet,
забави со ДЈ-ите од Kлуб ФМ и City
Радио (ДЈ Дине и Дела, ДЈ Дарко и
Дади), Drum Selection и Percussion
Band.
Еве малку повеќе за секои од нив:
Под диригентската палка на маестро
Запро Запров и неговите асистенти,
25-те деца од хорот “Изворче” ќе
изведуваат 45-минутна програма со
новогодишни и божиќни песни на улицата
Македонија.
На настапот на улица Македонија Тони
Китановски со својот бенд и со Черкези
оркестарот ќе го претстават својот
нов проект кој како албум треба да
се појави на почетокот на идната
година.
Гудачкиот квартет составен од четворицата
академски музичари (Јане Бакевски
– виолина I, Наташа Василевска –
виолина II, Јовица Илиевски - виола
и Методија Ѓорѓиев - виолончело),
инаку вработени во МОБ и Македонската
филхармонија, е основан во 1999 година.
Репертоарот на String Quartet е
исклучително богат и опфаќа класични
дела (Бах, Вивалди, Моцарт, Равел,
Григ, Штраус, Бородин…), популарна
музика и џез аранжмани (Битлси, Жобим,
Вангелис, …), како и специјална божиќна
и новогодишна програма, свадбена
музика, регтајм, валцери, обработена
традиционална музика. На новогодишната
улица ќе ја изведуваат програмата
на божиќни и новогодишни теми, и
валцери од Штраус.
Шесторицата академски изведувачи
на ударни инструменти, Percussion Band,
предводени од Филип Шурбевски, во
20 минутен настап ќе свират микс
од различни теми за ударни инструменти.
Drum Selection се 9 млади академски школувани музичари (3 девојки и
6 момци), предводени од jazz тапанарот Оливер Дуев, школуван на Беркли во Бостон.
Свират на три труби и шест ударни инструменти. Нивниот репертоар вклучува новогодишни
песни и маршови, како и познати музички светски нумери.
Новогодишна
програма на
улица Македонија:
29 и 30 декември 2005, плато
„Дом на АРМ”, улица „Македонија”:
11:30 Програма
на скопските градинки и основни училишта
17:00 Drum Selection
и парада на маскоти
Детски хор “Изворче” (новогодишни
и божиќни песни)
String Quartet (гудачки квартет)
18:20 EquipoiZe Creations (пантомима, кловн, трапез, жонглери)
19:30 Percussion Band
20:00 EquipoiZe Creations (трапез во дует, пантомима, кловн)
20:40 Тони Китановски и оркестар „Черкези”
21:25 Огнено шоу
21:40 Drum Selection и парада на маскоти
22:00 ДЈ забава со ДЈ Дине и Дела (Club FM) и ДЈ Дарко и
Дади (City Radio)
31 декември 2005, плато „Дом
на АРМ”, улица „Македонија”:
Скратена програма, со почеток од
12 часот (до 16 часот)
Бранка Бугариска
|
муабети
box
email box
snow box