денеска е:

ПРВ CUSTOM PUB ВО СКОПЈЕ!

Мото Клубот Потфат во четврток 29-ти декември го отвораат првиот Клабхаус во Македонија. Лондон ги има Хот Род Кафе и познатото Ејс Кафе, а Скопје од сега ќе може да се пофали со единствениот Кастом Пуб. Идејата на членовите на Потфат МЦ со отворањето на овој простор и негово пуштање во погон е да се популаризира Кастом Бајк Културата во Републикава и во исто време да се создаде амбиент за дружба, разговори и рокенрол моменти. Во клубот во наредните месеци ќе се случува и често гостување на бајкери од регионот и надвор од него.

Предвидени се настапи на бендови од земјава и странство. Просторот е уреден во Бајкерски стил. Многу делови од моторцикли се вметнати во ентериерот на локалот, а во еден дел од пабот можете да дознаете и нешто повеќе за клубот, неговата историја и традиција. Просторот е збогатен со многуте трофеи и награди од околните мото собири и многу фотографии. Накратко, се што е дел од лајфстајлот на клубот!!! Кастом Пабот се наоѓа на крајот на улицата Партизански Одреди, и дијагонално гледа во Соборна Црква.

За повеќе информации повелете на: www.potfatmc.com

Бранка Бугариска