Поминувам од раскрсницата кај стара рампа, на ќошот едно големо пано со рекламата за Архангел концертот. Од спротива поминуваат двајца другари, меѓу 17 и 19 години, грицкаат семки, во моментот на исплукувањето едниот му се обраќа на другиот:
"Абе, што е ова Архангел?"
.
.
.
1994, военото игралиште, 103-ка - 3 години БОР во македонското радио, 8-мо одделение. До 2 часот по полноќ чекавме Архангел да свират!! Неверојатен концерт!
.
.
.
"Абе, што е ова Архангел?"
.
.
.
...сонце и месечина...
Ете тоа е Архангел! Групата која многупати во почетокот на деведесетите години докажа дека на македонски јазик можат да се прават прекрасни песни, додека на луѓето помелозвучни им се чинеа српските и англиските. Без да ги запоставам Мизар и сите тогашни бендови, Архангел направи бум и ја обележа македонската сцена засекогаш.
.
.
.
2005, скопски саем... Архангел ги собра сите. Илјадници, мож појќе, мож стотици во зелени маички што си ги добија со картите! И уште толку разновидни ликови што пораснале или допрва ќе пораснат со Архангел. Сите една голема шума и тек таму по некој бор од плагиј.ат.
Навистина прекрасен концерт. Не потсетија на она што беа: 1, 2 и тоа што се сега. Г. Вртев како да знаеше дека овој концерт ќе биде нешто посебно и ги запамти сите свои текстови.
Публиката викаше на цел глас како таа да е на сцена "...моите милион долари..."
Скоро три часа дерење, пиво и силни емоции. И крај.
Ми остана само да го спомнам Џоле... Фала.
бај rante д бор