Мерач за длабочина

Тоа е инструмент кој ја покажува моменталната длабочина на која што се наоѓа нуркачот. Мора да има секогаш стрелка која ке ја покажува (памти) максималната длабочина постигната.

Денеска постојат исто така и дигитални мерачи на длабочина кои пак содржат повеке функции. Паметат и логираат нуркања, сигнализираат ако нуркачот излегува со поголема брзина, температура.

Ги има во вид на часовник или пак рачен компјутер за нуркање.

Часовник

Покажува време, изминато време под вода. Може да биде дигитален или аналоген.

Нож

Ножот е еден незаменлив дел од нуркачката опрема. Многу е потребен во ситуации кога некој нуркач ке остане заглавен во некоја рибарска мрежа.

Може исто така да се користи како сигнализација удирајки по цилиндарот за воздух под притисок.

Обично се носи прикачен на листот од ногата кон внатрешната страна.

Пловка за маркирање

Пловката за маркирање е дел од опремата која се користи како заштита на нуркачите. Во некој земји таа е пропишана со закон. На врвот на пловката обично има и знаменце кое е црвено со дијагонална бела линија и означува дека таму се нурка.

Светло за под вода

Светлото се користи многу често при нуркање. Задолжително е при ноќни нуркања додека пак при длабински денски нуркања е убаво да се има при себе ако сакаме да набљудуваме од блиску некој предмет или слично.

Има мали и со помала силина додека има и големи кои се многу моќни и можат да осветлат голем предел како под вода така и на суво.